Sífellt fleiri múslímalönd sniðganga danskar vörur

Sífellt fleiri lönd múslíma ákveða að sniðganga danskar vörur í kjölfar þess að deilan um skopmyndirnar af Múhameð spámanni hafa blossað upp aftur. Frá þessu greinir útflutningsráð Danmerkur í samtali við Danska ríkisútvarpið.

Dönsk blöð ákváðu á dögunum að endurbirta hluta þeirra mynda sem ollu miklu uppnámi í hinum íslamska heimi fyrir um tveimur árum og virðast dönsk útflutningsfyrirtæki gjalda fyrir það nú. Sádi-Arabía, Jemen, Kúveit og Egyptaland eru meðal þeirra landa í Miðausturlöndum þar sem danskar vörur hafa verið sniðgengnar.

Útflutningsráðið veit ekki hversu mikið sala á dönskum vörum hefur dregist saman en meðal þess sem Danir flytja til Miðausturlanda eru mjólkurvörur og lyf. Tekið er fram að neytendur hafi tekið upp á þessu sjálfir en ekki fylgt einhvers konar tilmælum frá yfirvöldum í löndunum,