250 mótmælendur í Danmörku ekki ákærðir

Lögreglan í Kaupmannahöfn hefur fallið frá því að ákæra 250 manns sem handteknir voru í tengslum við óeirðir vegna niðurrifs Ungdómshússins í borginni í september 2006.

Ástæðan er sú að skortur er á sönnunum í málinu. Búist var við að fólkið yrði sektað vegna aðildar sinna að mótmælunum en alls voru 262 handteknir í mótmælunum þar sem grjóti var meðal annars kastað að lögreglu.

Þessi ákvörðun lögreglu þýðir hins vegar að þeir sem handteknir voru geta nú sótt bætur til lögreglunnar vegna málsins.