Liverpool fær markvörð

Brasilíski markvörðurinn Diego Cavalieri hefur skrifað undir fjögurra ára samning við Liverpool. Þessi 25 ára leikmaður kemur frá Palmeiras en kaupverðið er ekki gefið upp.

Cavalieri verður varamarkvörður fyrir Jose Reina en koma hans setur framtíð Scott Carson í óvissu.

Cavalieri telur að hann geti veitt Jose Reina samkeppni. „Ég fylgdist með Liverpool á síðasta tímabili og ég veit hversu góður markvörður hann er. En ég ætla að leggja hart að mér og sýna þolinmæði," sagði hann.