John Terry valinn fyrirliði enska landsliðsins

Fabio Capello, landsliðsþjálfari Englands, hefur valið John Terry hjá Chelsea sem nýjan fyrirliða. Terry er 27 ára en hann tekur við fyrirliðabandinu af David Beckham sem bar það á heimsmeistaramótinu 2006.

Valið um fyrirliðann stóð milli Terry og Rio Ferdinand. Terry á 44 landsleiki að baki en hann var fyrirliði undir stjórn Steve McClaren þegar Englandi mistókst að komast á Evrópumótið.

Capello hefur prófað nokkra fyrirliða í þeim vináttulandsleikjum sem hann hefur stýrt Englandi í. Nú er það þó ljóst að Terry verður fyrirliði til frambúðar.