Ronaldo enn óákveðinn

Cristiano Ronaldo er enn óákveðinn með framtíð sína en hann sagði frekari frétta að vænta eftir nokkra daga.

„Ég mun tilkynna um framtíð mína eftir tvo til þrjá daga," sagði Ronaldo eftir leikinn. „Ég mun ræða við Manchester United. Ég mun reyna að komast að samkomulagi og svo sjáum við til."

Spurður hvort hann væri búinn að taka ákvörðun varðandi hugsanleg félagaskipti til Real Madrid sagði hann: „Nei, ekki enn."

Hann sagði einnig eftir leik að hann hefði verið meiddur á fæti undanfarna þrjá mánuði. „Ég ætla nú að fara í aðgerð og taka mér góðan tíma til að jafna mig,“ sagði hann.