Blatter: Leyfið Ronaldo að fara

Sepp Blatter, forseti FIFA, er mótfallinn því að Manchester United haldi Cristiano Ronaldo gegn hans vilja. Spænska stórliðið Real Madrid vill fá Ronaldo sem hefur látið hafa eftir sér að draumur hans sé að leika með liðinu.

Blatter talar um að „nútíma þrælahald" viðgangist í fótboltanum. Hann segir að mikilvægt sé að hagur leikmannsins sé einnig í heiðri hafður.

„Ef leikmaður vill spila annarstaðar þá á að leita lausna. Ef hann er hjá félagi þar sem honum líður ekki vel þá er það ekki gott fyrir leikmanninn og ekki heldur gott fyrir félagið," sagði Blatter.

„Ef hann vill fara á að leyfa honum að fara. Það er of mikið um nútíma þrælahald í fótboltanum."