Kærasti Jennifer Aniston í góðu formi - myndir

Jennifer Aniston og ungi kærastinn hennar, tónlistamaðurinn John Mayer reyna að njóta lífsins í sólinni þrátt fyrir ágenga ljósmyndara sem mynda þau í bak og fyrir úr launsátri.

Aniston segist njóta sín sem aldrei fyrr með Mayer sem er töluvert yngri en hún. Hún hefur látið hafa eftir sér að hann er girnilegasti maður sem hún hefur verið með - að Brad Pitt meðtöldum.

,,John kann að meta reynslu hennar, og Jennifer kann að meta úthald hans. Hún er í sjöunda himni," var haft eftir vini leikkonunnar.

Myndirnar sýna Mayer stæltan svamlandi í sundlauginni að skemmta sér á milli þess sem hann kelar við reynsluboltann, Jennifer Aniston.