Verðið á Adebayor hefur lækkað

Arsenal hefur lækkað verðmiðann á sóknarmanninum Emmanuel Adebayor. Þetta segir umboðsmaður sem starfar fyrir AC Milan en hann segir að enska félagið hafi nánast helmingað þá upphæð sem fyrst var sett á leikmanninn.

„Verðið á honum núna er mun sanngjarnara en það er þó enn mjög hátt," sagði umboðsmaðurinn. AC Milan hefur ekki farið leynt með áhuga sinn á Adebayor sem skoraði 30 mörk í 48 leikjum síðasta tímabil.

Eftir að hafa selt Alberto Gilardino til Fiorentina og vegna meiðsla Ronaldo er forgangsatriði hjá AC Milan að krækja í sóknarmann í sumar.