Tottenham byggir nýjan leikvang

Forráðamenn Tottenham hafa staðfest að félagið ætli að byggja nýjan leikvang skammt frá White Hart Lane í framtíðinni sem taka mun 60,000 manns í sæti.

Tottenham birti í dag rekstrartölur sínar fyrir síðasta ár og voru þær mjög jákvæðar þar sem velta félagsins jókst um 11%.

Ákveðið var að ráðast í framkvæmdirnar meðal annars vegna þess að 22,000 manns eru á biðlista eftir ársmiðum hjá félaginu. White Hart Lane tekur aðeins 36,000 manns í sæti.

Nýr heimavöllur Tottenham mun rísa rétt norðan við White Hart Lane og gert er ráð fyrir að aðgerðaáætlun verði lögð fyrir á næsta ári.