Tugir manna frá NATO og SÞ sárir eftir átök í Kosovo

Skotið var á hermenn á vegum NATO og lögreglumenn frá Sameinuðu þjóðunum í óeirðum sem urðu í borginni Mitrovica í norðurhluta Kosovo í morgun. Að minnsta kosti 22 lögreglumenn og tveir hermenn eru slasaðir eftir átökin og hafa hinar alþjóðlegu sveitir hörfað frá svæðum sem lúta stjórn Serba í borginni.

Eins og fram kom í fréttum í morgun réðust reiðir Serbar á bílalest Sameinuðu þjóðanna þegar hún var á leið frá réttarsal í Mitrovica. Serbar höfðu sölsað undir sig og verið í réttarsalnum undanfara þrjá daga. Lögreglumenn frá Sameinuðu þjóðunum og 500 NATO-hermenn réðustu inn í réttarsalinn og handtóku þar 100 Serba. Bílalestin var á leið frá staðnum með hina handteknu er ráðist var á hana.

Hermennirnir notuðu táragas í baráttu sinni við mótmælendurna sem beittu skotvopnum, steinum og bensínsprengjum.

Þetta eru mestu áök sem orðið hafa í Kosovo frá því að héraðið lýsti yfir sjálfstæði frá Serbíu í síðasta mánuði en Serbar eru mjög ósáttir við þá ákvörðun.