Flokkur Sarkozy tapaði mikilvægum borgum í Frakklandi

Hægriflokkur Nicolas Sarkozy Frakklandsforseta laut í lægra haldi fyrir sósíalistum í annari umferð sveitarstjórnarkosninganna í Frakklandi um helgina.

Niðurstaðan kemur ekki á óvart enda hafa vinsældir Sarkozy stöðugt dalað meðal þjóðarinnar í skoðannakönnunum. Talið er að ástamál forsetans og glaumgosalegur lífsstíll hans hafi þessi áhrif og að kjósendur séu að sýna hug sinn í verki.

Þegar nær öll atkvæði höfðu verið talin í morgun er ljóst að hægri flokkurinn hafði tapað meirhluta sínum í borgum eins og Toulouse og Strassborg sem áður voru örugg vígi flokksins. Þar að auki héldu sósíalistar meirihluta sínum í París og Lyon. Í heildaratkvæðum talið er munurinn þó ekki mikill, sósíalistar hlutu tæp 49% á móti rúmlega 47.5% hægri flokkanna.

Talið er að niðurstaðan geri það erfitt fyrir stjórn Sarkozy að koma á endurbótum sínum í ýmusum málum. Sarkozy brást við niðurstöðunni með því að segja að fólkið hefði látið í ljós vilja sinn. Hann muni að sjálfsögðu taka tillit til þessa. Talið er að hann muni nú breyta um stíl, verða virðulegri og láta minna fara fyrir sínum persónulegu málum í fjölmiðlum