Rokkarar heiðraðir

Rokkararnir í Metallica og Rage Against the Machine voru hylltir sem hetjur á hinni árlegu verðlaunahátíð tímaritsins Kerrang! í London. Metallica fékk verðlaun fyrir að hafa veitt öðrum rokksveitum innblástur á meðan Rage voru vígðir inn í frægðarhöll tímaritsins.

Bandaríska hljómsveitin 30 Seconds To Mars, með leikarann Jared Leto í farabroddi, var sú eina sem fékk tvenn verðlaun á hátíðinni, eða fyrir bestu smáskífuna og sem besta erlenda sveitin. Rokkararnir Bullet For My Valentine frá Wales voru kjörnir besta breska hljómsveitin.