Giggs: Við erum enn stærstir og bestir

Ryan Giggs segir að Manchester United sé enn stærsta knattspyrnufélag í heimi þó grannar þeirra í City séu komnir í eigu manna sem virðist hafa endalaust fjármagn til leikmannakaupa.

"City er kannski komið með ríkasta eiganda í heimi, en ég sé United enn sem stærsta félag í heimi. United hefur verið að byggja upp orðspor í langri sögu sinni og það nær allt aftur til manna eins og Busby Babes, Bobby Charlton og George Best. Það verður gaman að sjá hvað verður hjá City, en það sem við höfum hérna hjá United er sérstakt. Við sjáum bara hve stórt félagið er þegar við förum í keppnisferðalög til útlanda. Vinsældir félagsins eru út af sögu þess og það er eitthvað sem fæst ekki endilega fyrir peninga.," sagði Giggs í samtali við Sun.