Aðstoðarmaður skilur Britney eftir grátandi á gangstétt

Sam Lufti sjálfskipaður umboðs- og aðstoðarmaður Britney Spears lak því í spjalldrottninguna Barböru Walters í gær að Britney þjáðist af geðrænum kvillum, og hefði hafið meðferð við þeim.

Svo virðist sem uppljóstrunin hafi farið illa í Britney, en hún lenti í hávaðarifrildi Lutfi, fyrir utan heimili sitt þegar þau komu heim seinna um kvöldið. Eftir að hafa reynt að hugga hana í smá stund fór aðstoðarmaðurinn inn, og skildi Britney eftir berfætta og skælandi á gangstéttinni fyrir framan paparassaherinn.

Hún hringdi að sögn slúðursíðunnar TMZ beint í vin sinn Adnan Ghalib og bað hann að koma að ná í sig. Hann sagðist vera á leiðinni að sækja hana, en bað hana að drífa sig inn í hús, sem hún og gerði. Þegar Ghalib hinsvegar ætlaði að ná í söngkonuna vönduðust málin.

Lutfi skipaði öryggisvörðum að hleypa Ghalib ekki inn, og slökkti á öllum sex farsímum Britney svo hann næði ekki í hana í síma. Þá sendi Lutfi paparassanum skilaboð þar sem hann sagði að hann ýtti undir maníuköst hjá söngkonunni, og að ef hann héldi áfram að hafa samband við hana myndi það drepa hana.