Framtíð Alonso í lausu lofti

Xabi Alonso, miðjumaður Liverpool, segist þurfa tíma til að íhuga framtíð sína. Hann viðurkennir að hafa ekki hugmynd um hvar hann muni spila á næsta leiktímabili.

Juventus er á eftir þessum spænska Evrópumeistara en Alonso er 26 ára. Rafael Benítez, stjóri Liverpool, virðist tilbúinn að láta Alonso fara fyrir rétta upphæð.

„Ég veit ekkert hvað framtíðin ber í skauti sér. Núna er ég bara að spá í sumarfríinu mínu og hlakka til að geta slakað á. Þegar ég kem aftur úr fríinu þá mun ég skoða mína framtíð," sagði Alonso.