Crouch búinn að ná samningum við Portsmouth

Peter Crouch hefur náð samkomulagi við Portsmouth um kaup og kjör og mun hann því verða endanlega leikmaður félagsins í dag eða á morgun. Talið er að Portsmouth borgi 11 milljónir punda fyrri þennan 27 ára leikmann.

Rafael Benítez, stjóri Liverpool, segist hafa viljað halda Crouch. „Stundum verður maður að sýna leikmanninum skilning. Hann vildi fá að spila meira," sagði Benítez.

Crouch var aðeins níu sinnum í byrjunarliði Liverpool í ensku úrvalsdeildinni á síðasta tímabili og Rafael Benítez hefur sagt að hann sé opinn fyrir tilboðum í leikmanninn.

Crouch byrjaði sinn feril í unglinga-akademíu Tottenham áður en hann fór til Portsmouth, Aston Villa, Norwich, Southampton og loks Liverpool.