Zamora og Pantsil komnir til Fulham

Sóknarmaðurinn Bobby Zamora og bakvörðurinn John Pantsil eru komnir til Fulham frá West Ham fyrir 6,3 milljónir punda.

Zamora er 27 ára og hefur verið hjá Hömrunum síðan í janúar 2004. Hann lék aðeins 14 leiki með liðinu á síðasta tímabili. Pantsil er landsliðsmaður frá Gana. Hann gekk í raðir West Ham 2006 en lék aðeins sjö byrjunarliðsleiki fyrir félagið.

Roy Hodgson, knattspyrnustjóri Fulham, segist verulega ánægður með að fá þessa leikmenn til sín. Hann telur að Zamora styrki liðið mikið sóknarlega og Pantsil auki möguleikana varnarlega.