Pele segir Ronaldo að standa við samninginn

Pele hefur stigið fram og hvetur hann Cristiano Ronaldo til að gleyma Real Madrid og standa við gerðan samning við Manchester United.

Þessi brasilíska goðsögn gagnrýnir einnig Sepp Blatter, forseta FIFA, fyrir ummæli hans um Ronaldo og nútíma þrælahald.

„Þú ert þræll ef þú ert að vinna án samnings eða færð ekki borgað. Ef þú hefur samning sem þú skrifaðir undir sjálfur þá verðurðu að standa við hann," sagði Pele.

Ronaldo á fjögur ár eftir af samningi sínum við United.