Chelsea hefur boðið í Kaka

Varaforseti AC Milan segir að Chelsea hafi gert félaginu kauptilboð í brasilíska miðjumanninn Kaka, en hann sé ekki til sölu. Þá hafi mörg félög gert fyrirspurnir í Andrea Pirlo.

Milan hefur verið orðað við leikmenn eins og Ronaldinho og Emmanuel Adebayor í sumar, en Adriano Galliani segir að ekki séu til endalausir peningar hjá Milan - ekki síst í ljósi þess að félagið náði ekki að tryggja sér sæti í Meistaradeildinni. Sky fréttastofan greindi frá þessu í morgun.