Adebayor: Mikilvægt að skora gegn Tottenham

Emmanuel Adebayor, leikmaður Arsenal, segir að Thierry Henry hafi kynnt sér mikilvægi þess að standa sig vel í grannaslagnum við Tottenham í ensku úrvalsdeildinni.

Henry skoraði eitt af sínum fallegustu mörkum á Englandi gegn Tottenham þar sem hann sólaði frá eigin vallarhelmingi og skoraði. Hann tapaði aldrei deildarleik gegn Tottenham á ferlinum.

"Ég man þegar ég spilaði fyrst gegn Tottenham," sagði Adebayor. "Þá kom Henry til mín og sagði að ég yrði konungur í augum stuðningsmanna ef ég skoraði gegn Tottenham. Ég trúði honum ekki og hélt hann væri að grínast eins og svo oft, en svo þegar ég skoraði fóru áhorfendur að syngja nafn mitt. Það er því gott að ég hef staðið mig vel gegn Tottenham, því það er ekkert betra en að láta 60,000 manns syngja nafn manns," sagði Adebayor.

Arsenal og Tottenham eigast við í úrvalsdeildinni klukkan 20 í kvöld og verður leikurinn sýndur beint á Sport 4.