Treystir sér ekki til að sýna viðtal við Britney Spears

Sjónvarpskóngurinn og sálfræðingurinn Dr. Phil McGraw hefur ákveðið að aflýsa klukkustundarlöngum þætti þar sem fjalla átti um nýjustu tíðindi af Britney Spears.

Í yfirlýsingu sem birtist á vefsíðu hans segir að aðstæður poppstjörnurnar séu of erfiðar til að hægt sé að sýna þáttinn. Dr. Phil segir þó ekkert um það hvort þátturinn verði sýndur einhvern tímann seinna.

Spears var lögð inn á sjúkrahús á fimmtudag í síðustu viku eftir miklar forræðisdeilur við Kevin Federline, fyrrverandi eiginmann sinn. Dr. Phil ræddi við Spears í klukkustund á geðdeildinni á laugardag, áður en hún var útskrifuð.