Afmælisdagurinn gæti komið þér í belgíska sjónvarpið

Belgíska ríkissjónvarpið leitar nú að þáttakendum í nýrri heimildarmynd sem fjallar um misjöfn örlög fólks sem á það eitt sameiginlegt að hafa fæðst sama dag. Í myndinni er fylgst með fólki sem fæðist á sama degi á mismunandi stöðum í heiminum, og er tilgangurinn að reyna svara spurningunni um hvernig líf fólks væri hefði það fæðst í öðrum heimshluta.

Annelore De Donder, sem framleiðandi hjá Woestijnvis, sem framleiðir þættina, hafði samband við fréttasíðuna Hornafjörður.is, og bað um koma leitinni á framfæri.

Leitað er að fólki sem er fætt á eftirtöldum dögum:

Þegar eru fundnir þáttakendur frá fjölda landa í Evrópu, Asíu, Norður- og Suður-Ameríku og Ástralíu.

Annelore segir í viðtali við hornafjord.is að fólk hafi samband við fyrirtækið hafi það áhuga á að taka þátt í verkefninu. Starfsfólk hringir svo hringi í þá sem koma til greina og spyrja viðkomandi ýmissa spurninga um bersku fjölskyldu, áhugamál, vinnu og fleira. Út frá svörum fólks er búinn til „prófíll" sem er settur í gagnagrunn sem endanlegir þáttakendur eru svo valdir úr.

Þeir sem eru valdir fá svo heimsókn frá starfsfólki myndarinnar og belgískum „afmælistvíbura" sínum. Fylgst er með „tvíburunum" saman í nokkra daga mismunur á lífsháttum þeirra skoðaður.

Engin laun eru greidd fyrir þáttökuna, en þess gætt að fólk verði ekki fyrir kostnaði vegna hennar. Þeir sem hafa áhuga á að taka þátt í verkefninu geta haft samband við Annelore í síma +32 23 03 35 88 eða á netfanginu twins@docfish.be, eða adedonde@woestijnvis.be.