Rooney gaf kærustunni Range Rover í jólagjöf

Það eru ekki bara íslenskir viðskiptamenn, humarsúpusalar og Geir Ólafs sem keyra um á Range Rover. Coleen McLoughlin, kærasta Wayne Rooney renndi upp að hárgreiðslustofunni sinni á nýársdag í spánýnum silfurlitum Range Rover.

Bíllinn góði var jólagjöf frá Rooney. Hann er kannski eitthvað ódýrari í Bretlandi en á klakanum, en glæsieintakið hennar Coleen mun hafa kostað tæpar tíu milljónir króna.

Coleen, sem ólst upp í fátækt, gæti reyndar keypt sér nokkra slíka sjálf, en stúlkan er talin sex milljóna punda virði. Hún þénaði fimmtán milljónir punda á síðasta ári, töluvert meira en kærastinn.

Stúlkan er tuttugu og eins árs gömul, en hefur þó gefið út ævisögu sína, framleitt sitt eigið ilmvatn, og setið fyrir á herferðum fyrir tískufatnað frá ASDA keðjunni.