Pulis tilbúinn að versla

Tony Pulis, knattspyrnustjóri Stoke City, er búinn að búa til óskalista fyrir sumarið og er tilbúinn í næsta skref sem er að fá þá leikmenn sem eru á listanum.

„Við notuðum fyrstu sex vikurnar í að velta leikmönnum fyrir okkur og gera þennan lista. Svo tökum við átta vikur í að reyna að krækja í þessa leikmenn," sagði Pulis.

Stoke hefur ekki keypt neinn leikmann síðan liðið vann sér inn sæti í ensku úrvalsdeildinni. Pulis segir að Evrópumótið hafi verið ákveðin hindrun á leikmannamarkaðnum en býst við að allt fari á fulla ferð eftir það.