Myndband - Eurobandið syngur Hey hey hey we say ho ho ho

Eurobandið virðist hafa náð góðum tökum, Hey hey hey we say ho ho ho, lagi keppinauta sinna í Laugardagslögunum. Sveitin spilar lagið nú reglulega á tónleikum sínum, og ef marka má myndband á YouTube síðu hennar ná þau Regína og Friðrik erkifjendunum í Merzedes Club ansi vel.

Athygli vekur þó að þau eru fullklædd við flutninginn, en eitt aðalsmerki Merzedes Club eru einmitt hálfber vel smurð vöðvatröllin. Friðrik Ómar, söngvari Eurobandsins útilokar ekki að þau taki upp klæðaburð Merzedes-manna í framtíðinni. „Annars þurfa þau bara að koma einhverntímann sem gestaspilarar hjá okkur," segir Friðrik.

Myndbandið má sjá hér.