Jude Law að verða sköllóttur

Meira að segja flottustu töffarar eldast, og nú er Jude Law lentur í krumlum elli kerlingar. Hárum á höfði leikarans fer snarfækkandi, eins og sést berlega eftir að hann klippti sig stutt.

Leikarinn mun hafa þungar áhyggjur af hárafæðinni, og hefur varla sést án húfu undanfarin misseri. Sadie Frost, barnsmóðir hans og fyrrverandi eiginkona, hefur samkvæmt heimildum Daily Mail hvatt hann til að leita sér aðstoðar hjá hómópötum, kínverskum læknum og í nálastungum. Hann hyggst hinsvegar ekki vera með neitt hálfkák, og hefur bókað tíma hjá hárígræðslusérfræðingnum Michael May.