Tottenham í viðræðum við tvo rússa

Enska úrvalsdeildarfélagið Tottenham er í viðræðum við tvo rússneska landsliðsmenn ef marka má breska fréttamiðla í dag. Þetta eru þeir Andrei Arshavin og Roman Pavlyuchenko.

Tottenham hefur lengi verið orðað við Arshavin, en hann fór á kostum með liði Rússa á EM. Sagt er að Arshavin hafi samþykkt að ganga í raðir Tottenham en að félag hans Zenit vilji fá himinháar upphæðir fyrir hann.

Landi hans Pavlyuchenko skoraði þrjú mörk fyrir Rússa á EM í sumar, en hann leikur með Spartak í Moskvu. Sá er 26 ára og sagt er að Tottenham sé að íhuga 15 milljón punda tilboð í hann.