Pabbi Cameron Diaz látinn úr lungnabólgu

Faðir Cameron Diaz lést í nótt óvænt úr lungnabólgu. Samkvæmt heimildum TMZ fékk Emilio Diaz nýlega flensu sem þróaðist fljótt yfir í lungnabólgu. Dauði hans kom ættingjum í opna skjöldu, en Emilio var 58 ára gamall og að sögn við hestaheilsu. Hann var annarar kynslóðar kúbverskur innflytjandi, og starfaði hjá olíufyrirtæki. Hann átti lítið hlutverk í einni frægustu mynd dóttur sinnar, There's Something About Mary, þar sem hann lék fanga.

Cameron vinnur nú að myndinni My Sister's Keeper, en tökum á henni var frestað þegar fréttist af andláti föðurins.