Þjóðverjar viðurkenna sjálfstæði Kosovo

Ríkisstjórn Angelu Merkel kanslara Þýskalands samþykkti formlega í dag að viðurkenna Kosovo sem sjálfstætt ríki. Frank-Walter Steinmeier utanríkisráðherra landsins hafði tilkynnt á mánudag að sjálfstæði Kosovo yrði viðurkennt. Samkvæmt heimildum Reuters fréttastofunnar er fundinum enn ekki lokið í Berlín þar sem ákvörðunin um sjálfstæðisviðurkenninguna var tekin.

Serbía sem vonast til aukins samstarfs við Evrópusambandið kallaði sendiiherra sína í Washington, París og nokkrum öðrum löndum heim í mótmælaskyni við viðurkenningu héraðsins á mánudag, en tilkynnti að þeir myndu þó ekki slíta stjórnmálasambandi.