Herskáir islamistar undirbúa hryðjuverk í Danmörku

Leyniþjónusta dönsku lögreglunnar segir að stöðugt fleiri hópar herskárra islamista undirbúi hryðjuverk, annaðhvort í Danmörku eða öðrum löndum. Jakob Scharf, yfirmaður leyniþjónustunnar segir í viðtali við danska blaðið Politiken að það sé mikið áhyggjuefni hvað hinir verðandi hryðjuverkamenn beri sig orðið fagmannlega.

Scharf segir að auk þess sé samband þeirra við herskáa islamista í öðrum löndum stöðugt að styrkjast. Hann vill ekki segja hversu margir séu undir eftirliti lögreglunnar, en þeir séu dreifðir um allt landið.