Heskey í landsliðshópnum

Fabio Capello, landsliðsþjálfari Englands, hefur tilkynnt landsliðshóp sinn fyrir vináttulandsleik gegn Tékklandi á miðvikudag. Emile Heskey, sóknarmaður Wigan, er í hópnum en hinsvegar er ekkert pláss fyrir Peter Crouch leikmann Portsmouth.

Capello horfði á Aston Villa rúlla yfir FH í síðustu viku en einn leikmaður Villa er í hópnum, Gareth Barry. Þá sá Capello í gær Dean Ashton skora tvívegis fyrir West Ham en Ashton meiddist í leiknum og er ekki leikfær á miðvikudag.

Á þriðjudaginn mun Capello tilkynna hver verði fyrirliði enska landsliðsins en valið er talið standa á milli Rio Ferdinand og John Terry. Hér að neðan má sjá landsliðshópinn.

Markverðir: David James (Portsmouth), Paul Robinson (Blackburn Rovers), Joe Hart (Manchester City)

Varnarmenn: Wayne Bridge (Chelsea), Wes Brown (Manchester United), Ashley Cole (Chelsea), Rio Ferdinand (Manchester United), Glen Johnson (Portsmouth), John Terry (Chelsea), Matthew Upson (West Ham United), Jonathan Woodgate (Tottenham Hotspur)

Miðjumenn: Steven Gerrard (Liverpool), Gareth Barry (Aston Villa), Michael Carrick (Manchester United), Joe Cole (Chelsea), David Bentley (Tottenham Hotspur), Frank Lampard (Chelsea), David Beckham (LA Galaxy), Stewart Downing (Middlesbrough)

Sóknarmenn: Wayne Rooney (Manchester United), Jermain Defoe(Portsmouth), Theo Walcott (Arsenal), Emile Heskey (Wigan Athletic)