Rhys Ifans drekkir sorgum sínum - myndir

Breska leikaraparið, Sienna Miller og Rhys Ifans, er hætt saman og Ifans tekst á við erfiðan söknuðinn með því að leita huggunar með drykkju og látum en Sienna mun hafa hringt í hann frá Prag til að segja honum upp.

Eins og myndirnar sem teknar voru af Ifans í miðborg Lundúna í gærkvöldi sýna, olli hann talsverðum usla.

Lögreglan var kölluð á staðinn til að róa leikarann sem er að takast á við erfið sambandsslitin niður.

Ef marka má breska fjölmiðla mun afbrýðisemi Ifans hafa gert út af við sambandið, en Sienna stóð hann nýlega að því að lesa sms-skilaboð hennar.