Gerrard: Frábært að vera á toppnum

Steven Gerrard fyrirliði Liverpool segir sína menn mjög ánægða með að vera á toppnum og segir mikið sjálfstraust vera í hópnum þessa dagana.

Liverpool er enda á toppnum í deildinni og hefur lagt tvo af helstu keppinautum sínum í úrvalsdeildinni að velli - Manchester United og Chelsea.

"Það er frábær tilfinning að vera á toppnum, sérstaklega eftir sigra á tveimur af helstu keppinautum okkar. Við höfum trú á því að við getum náð í sigur hvar og hvenær sem er, jafnvel þegar við erum ekki upp á okkar besta," sagði fyrirliðinn.

Hann segir menn þó ekki gleyma sér í gleðinni svo snemma á leiktíðinni. "Við ætlum ekki að missa okkur. Við erum á toppnum og því leggja hin liðin enn harðar að sér við að vinna okkur."