Crespo laus frá Chelsea

Argentínski sóknarmaðurinn Hernan Crespo er nú alfarið laus frá Chelsea en samningur hans er runninn út. Hann hefur síðustu tvö tímabil verið lánaður til Inter á Ítalíu.

Á heimasíðu Chelsea er Crespo þakkað fyrir hans framlag í bláa búningnum og óskað velfarnaðar í framtíðinni. Hann varð fyrsti leikmaður sögunnar til að skora í Meistaradeildinni fyrir fimm mismunandi lið.

Crespo er 32 ára og mun nú fara í viðræður við þau lið sem áhuga hafa en líklegasti áfangastaður hans er Roma.