Fyrrverandi kærasta Clooney í atvinnuleit - myndband

Sarah Larson, sem hætti nýverið með leikaranum George Clooney, hefur verið áberandi í fjölmiðlum beggja vegna Atlantshafsins. Hún mætti i í atvinnuviðtal á dögunum þar sem hún hitti fataframleiðandann Christian Audigie sem þekktur er fyrir að hanna fatnað fræga fólksins eins og Madonnu, Britney Spears, Mickey Rourke, Paris Hilton, Snoop Dogg, Chris Brown og Jessicu Alba.

Audigie bauð Larson í atvinnuviðtalið því hann vildi athuga hvort hún hefði það sem til þarf til að auglýsa tískufatnað og fylgihluti sem hann hannar og selur í eigin nafni.

Larson sagði fátt í viðtalinu en sýndi Audigie myndamöppuna sína, mátaði nokkra kjóla og stillti sér upp. Sjá atvinnuviðtalið í heild sinni hér.