Fæðing meira stressandi en Óskarsverðlaun

Ekkert hefur valdið Halle Berry jafn miklu taugastríði og yfirvofandi fæðing fyrsta barns hennar, ekki einu sinni Óskarsverðlaunin. Leikkonan, sem á von á sér í maí, sagði í viðtali við breskt tímarit að hún hefði verið róleg það sem af væri meðgöngunnar. Hún væri nú að átta sig á því að barnið þyrfti að koma út, og að einhver þyrfti að ýta því út.

„Ég er í hálfgerðu rusli tilfinningalega. Hormónarnir eru á fullu, og eftirvæntingin er farin að láta á sér kræla. Ég er stressaðri núna en ég var fyrir Óskarsverðlaunin."