Kynlífsmyndband með Lindsay Lohan

Svo kann að vera að Lindsay Lohan sé komin á stall með Paris Hilton og Pamela Anderson. Myndskeið er komið á Netið, sem talið er að sýni Lohan í lostafullu kynlífi með Calum Best. Hann er fyrrverandi kærasti Lohan og voru þau að slá sér upp saman síðasta sumar.

Samkvæmt breska blaðinu The Sun sendi Calum myndskeiðið til náinna vina sinna og lak það svo einhvern veginn á Netið. Lindsay er sögð vera að tapa sér, en hún ku ekki muna eftir að myndskeiðið hafi verið tekið upp.

Calum Best er sonur knattspyrnumannsins George Best. Hann þykir víst enginn nýgræðingur þegar kemur að því að stunda kynlíf fyrir framan myndavélarnar með unnustum sínum.