Bókaveisla í Perlunni

Árlegur bókamarkaður Félags íslenskra bókaútgefenda verður haldinn í Perlunni frá fimmtudeginum 28. febrúar og fram til sunnudagsins 9. mars 2008. Markaðurinn er opinn daglega frá 10-18.

Í tilkynningu frá félaginu kemur fram að stóri bókamarkaðurinn sé árlegt tilhlökkunarefni bókaunnenda, enda umfang íslensks bókamarkaðar í raun hvergi sjánalegt í öllu sínu veldi nema þar.

Yfir 10.000 titlar eru í boði á markaðnum, megnið af því sem fáanlegt er af bókum á hérlendis. Útgefendur hafa jafnan lækkað verð á bókunum umtalsvert og fyrir tveimur árum var sú nýbreytni tekin upp að bjóða upp á takmarkað úrval jólabóka síðustu jóla á sérstöku bókamarkaðsverði sem er að minnsta kosti helmingi lægra en auglýst útsöluverð.