Verða Nicole og Paris svilkonur?

Paris Hilton og tónlistamaðurinn Benji Madden eyða öllum stundum saman þessa dagana. Þrátt fyrir að einungis séu tvær vikur liðnar síðan Benji sagði skilið við kærustuna sína, Sophie Monk, virðist samband hans og Parisar orðið nokkuð alvarlegt. Að minnsta kosti ef marka má heimildir Page Six, sem segir að gítarleikarinn hafi keypt trúlofunarhring handa Paris.

Nicole Richie er trúlofuð tvíburabróður Benji, Joel, og því gæti það farið svo að vinkonurnar yrðu svilkonur áður en langt um líður.