Lost stjarna látin laus

Michelle Rodriguez, ein af fyrrverandi stjörnum Lost þáttanna, var í gær látin laus úr fangelsi eftir að hafa afplánað 18 daga af 180 daga dómi sem hún hlaut fyrir að brjóta skilorð í haust. Rodriguez var á skilorði fyrir að hafa í þrígang verið tekin fyrir að keyra undir áhrifum áfengis. Henni var gert að gegna samfélagsþjónustu en varð uppvís að því að leggja fram fölsuð gögn um að hún hafi verið að sópa götur í Los Angeles þann 25. september síðastliðinn. Dómari komst hins vegar að raun um það að hún hafi verið stödd í New York þann dag.