Madonna eyðir sex hundruð þúsundum í vatn á mánuði

Madonna er væntanlega ekki á flæðiskeri stödd fjárhagslega. Að eyða 600 þúsund krónum á mánuði í vatn hljómar þó kannski óþarflega íburðarmikið.

Vinur söngkonunnar sagði við In Touch Weekly að hún drykki eingöngu sérstaklega blessað Kaballah vatn, sem kostar þrjúhundruð krónur fyrir litla flösku. Fyrir fimm manna fjölskyldu sína kaupir hún þetta sérblessaða vatn fyrir um sex hundruð þúsund krónur.

Að sögn vinarins flytur hún heilu brettin af vatninu með sér hvert sem hún fer, sem á sinn þátt í kostnaðinum. ,,Madonna drekkur mikið af vatni. Og þetta er það eina sem hún snertir", sagði vinurinn.