Garcia á leið til Tottenham

Samkvæmt enskum fjölmiðlum hefur Tottenham komist að samkomulagi um kaup á Luis Garcia frá Espanyol. Enska liðið hefur unnið samkeppni við Benfica um þennan spænska leikmann.

Viðræður fóru fram í gær og heppnuðust vel samkvæmt Sky fréttastofunni. Leikmaðurinn mun gangast undir læknisskoðun í Englandi eftir helgina.

Tottenham hefur verið í leit að sóknarmanni eftir að Jermain Defoe fór í janúar. Garcia var markahæstur hjá Espanyol á síðasta tímabili en hann skoraði þrettán mörk.