Leikstjóri The English Patient látinn

Breski leikstjórinn Anthony Minghella, sem frægastur er fyrir myndir sínar The English Patient og Cold Mountain, er látinn 54 ára að aldri. Umboðsmaður hans staðfesti þetta í dag en ekkert hefur verið gefið út um dánarorsök.

Mynd Minghella, The English Patient, hampaði níu óskarsverðlaunum árið 1996 en myndir hans Cold Mountain og The Talented Mr. Ripley hlutu líka mikið lof gagnrýnenda á sínum tíma.

Síðasta verkefni Minghella var aðlögun hans á hinni vinsælu bók Alexander McCall Smith, Kvenspæjarastofa númer eitt.