Gomes í markið hjá Tottenham

Tottenham hefur komist að samkomulagi við PSV Eindhoven um kaupverðið á markverðinum Heurelho Gomes. Hann hefur verið orðaður við Tottenham síðan hann fór á kostum í vítaspyrnukeppni þegar liðin mættust í UEFA-bikarnum síðasta tímabil.

Gomes er á leið til Tottenham en aðeins á eftir að ganga frá samningum persónulega við þennan 27 ára leikmann. Þá þarf að ganga frá atvinnuleyfi hans en það er talið formsatriði.

Gomes hefur unnið hollenska meistaratitilinn með PSV fjögur ár í röð.