Engin tilboð komin í Arshavin

Forráðamenn Zenit St. Petersburg fullyrða að engin kauptilboð hafi komið inn á borð félagsins í miðjumanninn Andrei Arshavin. Hann hefur verið orðaður við Arsenal, Chelsea og Tottenham að undanförnu, en til þessa hefur aðeins Barcelona gert í hann formlegt kauptilboð.

Tilboði Barcelona, sem var upp á 12 milljónir punda, var hafnað, en umboðsmaður leikmannsins sagði raunar að Zenit hefði neitað 19 milljóna punda tilboði í Arshavin frá félagi í ensku úrvalsdeildinni.

Þessu hafa forráðamenn Zenit neitað, en talið er að þeir vilji fá allt að 24 milljónir punda fyrir leikmanninn - sem stóð sig mjög vel á EM í sumar.