Aston Villa refsar Barry

Aston Villa hefur refsað Gareth Barry fyrir að veita dagblaði í Englandi viðtal þar sem hann gagnrýnir Martin O'Neill, knattspyrnustjóra liðsins.

Leikmenn félagsins mæta til æfinga hjá félaginu á morgun en Barry hefur verið fyrirskipað að mæta ekki.

Eftir því sem enskir fjölmiðlar halda fram hefur Liverpool boðið Aston Villa fimmtán milljónir punda fyrir Barry. Hingað til hefur Aston Villa hafnað boðum Liverpool í leikmanninn.

O'Neill neitar því sem er haldið fram að tilboðið sé lokatilraun Liverpool til að fá leikmanninn. Hann segir að ástandið sé óbreytt.

Hér fyrir neðan má lesa frétt um viðtalið við Barry sem birtist í síðasta mánuði.