Fór á skíðum í vinnuna

Sírnir Einarsson, grafíker á Stöð 2, labbar vanalega í vinnuna. En í morgun ákvað hann hins vegar að fara á gönguskíðunum þar sem viðraði einkar vel til skíðaiðkunar. Gönguferðin í Skaftahlíðina tekur vanalega um 10 mínútur, en á skíðunum var hann helmingi fljótari.

„Það hefur ekki verið snjór til að fara á skíði í mörg ár. Þess vegna fannst mér tilvalið að nota tækifærið núna þar sem ég var búinn að grafa upp græjurnar," sagði Sírnir.

Uppátækið vakti mikla athygli meðal vinnufélaganna á fréttastofu Stöðvar 2 sem tóku því fagnandi. „Einhverjir sögðu til dæmis að þarna færi karl í krapinu!" sagði Sírnir að lokum og hló.