280 manns í farþegaskipi sem lekur

Farþegaskip með 280 farþega um borð steytti á skeri við eynna Poros nálægt Aþenu rétt eftir hádegi í dag. Fólkið er ekki í hættu en vatn lekur inn í skipið. Björgunarþyrla og þrjú skip strandgæslunnar eru á leið á slysstaðinn, en allir bátar í nágrenninu hafa verið beðnir um að hjálpa samkvæmt upplýsingum yfirvalda sem samhæfa björgunaraðgerðir á sjó. Ekki er ljóst af hverju skipið sigldi á skerið en veður var gott.

Skipið var í daglegri siglingu á milli eyjanna Aegina, Poros og Hydru. Dimitri Stratigo bæjarstjóri á Poros sagði BBC að skipið hefði strandað um þrjár sjómílur frá höfninni og ekki virtist alvarlegur vandi steðja að því.

Í apríl á síðasta ári létust tveir franskri ferðamenn þegar ferðamannaskip með 1.600 manns innanborðs sigldi á sker undan ströndum eyjarinnar Santorini. Skipstjóri skipsins og fimm áhafnarmeðlimir voru ákærðir fyrir vanrækslu.