Loftslagsmál efst á lista leiðtogafundar ESB

Loftslagsbreytingar, öryggi í orkumálum og endurbætur munu vera ráðandi á leiðtogafundi Evrópusambandsins í Brussel. Sambandið vill vera leiðandi í alþjóðlegri viðleitni til að minnka gróðurhúsalofttegundir og hefur heitið verulegri minnkun á útblæstri slíkra lofttegunda.

Skýrsla Javier Solana, yfirmanns utanríkismála ESB, verður leiðtogunum 27 til leiðbeiningar. Í henni koma fram áhrif hækkandi hitastigs og spáð er búferlaflutningum frá Afríku og Mið-Austurlanda til Evrópu frá árinu 2020.

Fundarmenn, sem ræða saman í tvo daga, munu stefna að því að finna leiðir til að minnka koltvísýring um 20 prósent fyrir árið 2020 miðað við losun ársins 1990. Það takmark var sett á síðasta ári og nú vara margir Evrópuleiðtogar við því að tíminn sé aðalatriðið ef álfan vill vera leiðandi í alþjóðasamningum.

Búist er við að Bretar og Frakkar fari fram á að breytingar verði gerðar á skattafyrirkomulagi þannig að hægt sé að lækka skatta á svokölluðum grænum vörum.

Mismunandi áherslur eru þó á orkugeiranum, sérstaklega hvernig á að höndla þörf orkufreks iðnaðar og hvort eigi að skipta upp stórum orkufyrirtækjum.

Þá verða öryggismál varðandi orkubirgðir til umræðu og umrót á alþjóðlegum fjármálamörkuðum.