Atonement besta myndín á Golden Globe

Golden Globe verðlaunin voru tilkynnt í gærkvöldi en þau þykja gefa góða vísbendingu um hverjir hljóti Óskarsverðlaun. Það var hin rómantíska breska mynd Atonement sem kosin var besta myndin

Það þessu sinni var enginn rauður dregill, engar stórstjörnur og engar tilfinningaþrungnar þakkarræður. Golden Globe verðlanin var tilkynnt á blaðamannafundi í fyrsta sinn í sögunni þar sem flestar stjörnunar höfðu afboðað komu sín til að sýna samstöðu með rithöfundum í Hollywood í verkfalli þeirra.

Flestir reiknuðu með að Atonement yrði kosin besta myndin en önnur verðlaun komu nokkuð á óvart Þannig var Daniel Day Lewis kjörinn besti leikarinn í aðalhlutverki fyrir frammistöðu sína í myndinni There Will Be Blood þar sem Lewis leikur olíubarón. Juilie Christie var kosin besta leikkonan í aðalhlutverki fyrir frammistöðu sína sem sjúklingur er þjáist af Alzheimer í myndinni Away From Her.

Johnny Depp hlaut loks Golden Globe verðlaun en hann var kosinn besti leikari í tónlistar- og gamanmynd. Og fyrir bestan leik í aukahlutverki kvenna hlaut Cate Blanchett heiðurinn fyrir leik sinn í myndinni I'm Not There en Javier Bardem var kosinn besti leikarinn í aukahlutverki karla fyrir leik sinn í No Country For Old Men.